ប្រៀបធៀបឡេការពារកម្តៅថ្ងៃ sunblock និង suncreen

ឡេការពារកំដៅថ្ងៃទាំង physical sunscreen និង chemical sunscreen ជាផលិតផលពេញនិយមដែលបងប្អូននារីៗមិនអាចខ្វះបាននាពេលបច្ចុប្បន្ននេះ ជាពិសេសអ្នកម៉ត់ចត់ក្នុង “skincare” ។

ប៉ុន្តែ ដោយសារតែភាពសម្បូរបែបនិងផលិតផលតែងចេញថ្មីជាបន្តបន្ទាប់ ធ្វើឱ្យយើងរាល់គ្នា “វិលមុខ” ជាមួយនឹងចំនួនព័ត៌មានដែលត្រូវស្វែងយល់បន្ថែម។

ឡេការពារកម្តៅថ្ងៃប្រភេទនីមួយៗមានគុណសម្បត្តិ និងគុណវិបត្តិរៀងៗខ្លួន ដែលសាកសមនឹងប្រភេទស្បែកនីមួយៗនិងតម្រូវការប្រើប្រាស់ខុសគ្នា។ ដើម្បីដឹងច្បាស់និងផ្អែកលើលក្ខណៈនោះ មាននូវជម្រើសត្រឹមត្រូវបំផុតសមនឹងស្បែករបស់អ្នក សូមស្វែងយល់នៅក្នុងអត្ថបទខាងក្រោមនេះ។

តើឡេការពារកម្តៅថ្ងៃ physical sunscreen ជាអ្វី?

ក្រៅពីឈ្មោះត្រូវបានគេហៅថាជាឡេការពារកម្ដៅថ្ងៃ physical sunscreen ផលិតផលនេះក៏ត្រូវបានគេហៅថាជាឡេការពារកម្ដៅថ្ងៃធម្មជាតិឬឡេការពារកម្ដៅថ្ងៃមានសារជាតិរ៉ែ។ មូលហេតុគឺដោយសារតែ ឡេការពារកម្តៅថ្ងៃ physical sunscreen សុទ្ធតែមានសារធាតុផ្សំពី Zin Oxide, Titanium Dioxide (Zinc oxide និង Titanium oxide)។

ជាធម្មតានៅពេលប្រើឡេការពារកម្ដៅថ្ងៃ physical sunscreen អ្នកនឹងមានអារម្មណ៍ថាមានស្រទាប់ស្តើង នៅលើស្បែក នេះគឺជាផ្នែកមួយនៃ Zin Oxide និង Titanium Dioxide មាននៅលើស្បែក។ សារធាតុរ៉ែទាំងពីរនេះមានមុខងារសំខាន់ក្នុងការបង្កើតស្រទាប់ការពារស្បែក ជួយការពារកាំរស្មី UVA និង UVB នៅពេលប៉ះនឹងស្បែកដោយផ្ទាល់។

គុណសម្បត្តិនៃឡេការពារកម្តៅថ្ងៃ physical sunscreen ៖

ការពារស្បែកពីកាំរស្មី UVA និង UVB បានយ៉ាងល្អ ដោយសារមានលក្ខណៈឆ្លុះបញ្ចាំងកាំរស្មីយូវីរបស់វា។
មានប្រសិទ្ធភាពភ្លាមៗនៅពេលលាបលើស្បែក ដោយមិនចាំបាច់រង់ចាំផលិតផលជ្រាបចូលទៅក្នុងស្បែក។
ស័ក្តិសមបំផុតសម្រាប់ស្បែកងាយប្រត្តិកម្ម ព្រោះសារធាតុបានចម្រាញ់ពីធម្មជាតិ និងសារធាតុរ៉ែមិនបង្កឱ្យរលាកស្បែកនោះឡើយ។

គុណវិបត្តិនៃឡេការពារកម្តៅថ្ងៃ physical sunscreen ៖

ត្រូវបានវាយតម្លៃថាមានសាច់ឡេក្រាស់ ដែលងាយនឹងធ្វើឱ្យស្ទះរន្ធញើស – អាចបណ្តាលឱ្យកើតមុននិងបញ្ចេញប្រេងនៅលើស្បែកច្រើន។
ដោយសារតែបង្កើតនូវស្រទាប់ការពារស្បែក ទើបធ្វើអោយមានអារម្មណ៍ធ្ងន់មុខ ហើយផលិតផលមួយចំនួននឹងធ្វើឱ្យស្បែកមុខនិងស្បែកកមើលទៅសមិនស្មើពណ៏គ្នា ។
ពេលប៉ះនឹងទឹកឬញើសច្រើនពេកងាយនឹងហូរ។ អ្នកត្រូវលាបឡេការពារកម្ដៅថ្ងៃម្តងទៀតបន្ទាប់ពីសកម្មភាពនៅខាងក្រៅយូរឬធ្វើការត្រូវនឹងទឹកនេះហើយក៏ជាផលវិបត្តិរបស់ physical sunscreen ដែរ។

ទោះជាយ៉ាងណាក៏ដោយ ផលិតផលឡេការពារកម្តៅថ្ងៃថ្មីឥឡូវនេះ ហាក់ដូចជាត្រូវបានផលិតឡើងដោយប្រើរូបមន្តថ្មី។ គុណវិបត្តិខាងលើត្រូវបានលុបបន្តិចម្តងៗ ។

មិនជាបញ្ហាពិបាកទេ ក្នុងការស្វែងរកផលិតផលឡេការពារកម្តៅថ្ងៃមានសាច់ឡេស្ដើង រលោង និងស្រាល ជៀសវាងធ្វើអោយស្បែកស្ទះរន្ធញើស។ ហើយកាន់តែសាកសមសម្រាប់ប្រភេទស្បែកខ្លាញ់ ស្បែកងាយប្រតិកម្ម។

ក្រៅពីនេះក៏មានប្រភេទមិនជ្រាបទឹកផងដែរ។ មិនថាត្រូវទឹកឬសកម្មភាពនៅខាងក្រៅចេញញើសច្រើនទេ ឥឡូវលែងជាបារម្ភពីបញ្ហាឡេហូរទៀតហើយ។

អានបន្ថែម៖ ១០ ប្រភេទឡេការពារកម្តៅថ្ងៃ Physical Sunscreen ល្អបំផុតសម្រាប់ស្បែកខ្លាញ់

តើឡេការពារកម្តៅថ្ងៃ chemical sunscreen ជាអ្វី?

ដូចជាឈ្មោះរបស់ផលិតផល ឡេការពារកម្តៅថ្ងៃ chemical sunscreen ត្រូវបានផលិតនិងមានគ្រឿងផ្សំភាគច្រើនគឺសារជាតិគីមី មានប្រសិទ្ធភាពខុសពីឡេការពារកម្តៅថ្ងៃ physical sunscreen ។ ឡេនឹងស្រូបយកកាំរស្មី UV ជំនួសឱ្យការឆ្លុះបញ្ចាំងទៅវិញ។

ដើម្បីធ្វើបាននូវប្រតិកម្មខាងលើ ធាតុផ្សំនៃឡេការពារកម្តៅថ្ងៃ chemical sunscreenនឹងរួមមាន៖ oxybenzone, octinoxate, octisalate and avobenzone ។ សារធាតុទាំងនេះត្រូវបានគេហៅថាសារធាតុស្រូបយកគីមី ភារកិច្ចចម្បងគឺអនុវត្តប្រតិកម្មនៃការស្រូប និងបំបែកកាំរស្មីយូវី។ ដោះស្រាយបណ្ដាលកាំរស្មី UV ទៅជាកំដៅនិងបញ្ចេញចេញពីស្បែកទៅខាងក្រៅ នោះគឺជាវិធីដែលឡេការពារកម្តៅថ្ងៃ chemical sunscreen ដំណើរការ។

ការស្រូបយកនិងបំបែកកាំរស្មី UV នឹងជួយការពារស្បែកពីពន្លឺព្រះអាទិត្យ។ ទោះជាយ៉ាងណាក៏ដោយ នៅពេលដែលកាំរស្មី UV បានឆ្លងកាត់ស្រទាប់ផ្ទៃនៃស្បែក វាមិនអាចធានាបាននូវសុវត្ថិភាពដាច់ខាតសម្រាប់ស្បែកនោះទេ។

គុណសម្បត្តិនៃឡេការពារកម្តៅថ្ងៃ chemical sunscreen ៖

ឡេមានសភាពស្តើង ស្រាល រលោង ងាយស្រួលប្រើ។ មិនស្ទះរន្ធញើស មិនមានខ្លាញ់ និងធ្វើឱ្យកើតមុន។
អាស្រ័យដោយវាយនភាពឡេការពារកម្តៅថ្ងៃ chemical sunscreen ជ្រាបចូលយ៉ាងងាយ និងជ្រាបចូលទៅក្នុងស្បែកយ៉ាងឆាប់រហ័ស។
បរិមាណឡេដែលត្រូវប្រើម្តងនឹងតិចជាងឡេការពារកម្តៅថ្ងៃ physical sunscreen ។
មិនបណ្តាលឱ្យមានស្រទាប់សក្រាស់នៅលើស្បែក ដោយសារធាតុផ្សំគីមីនៅក្នុងឡេ ដូចជា oxybenzone និង avobenzone ។
មិនបណ្តាលឱ្យមានភាពខុសគ្នានៃពណ៌ស្បែក អាចប្រើជំនួសម្សៅផាត់មុខបាន។
អាចប្រើជាមួយសារធាតុចិញ្ចឹមស្បែកផ្សេងៗ។

គុណវិបត្តិនៃឡេការពារកម្តៅថ្ងៃ៖

ងាយនឹងបង្កឱ្យរលាកស្បែកដោយសារសារធាតុគីមី។ ជាពិសេសអ្នកដែលមានស្បែកងាយប្រតិកម្ម។
ជាប់លើស្បែកមិនបានយូរ ចាំបាច់ត្រូវលាបឡើងវិញបន្ទាប់ពីប្រើបានមួយរយៈ 2 ដល់ 3 ម៉ោង។
មិនមានប្រសិទ្ធិភាពភ្លាមៗបន្ទាប់ពីប្រើដូចជាឡេការពារកម្តៅថ្ងៃ physical sunscreen។ ឡេការពារកម្តៅថ្ងៃ chemical sunscreen ដែលមានសារជាតិគីមីត្រូវការរយៈពេល 15-20 នាទីដើម្បីជ្រាបចូលទៅក្នុងស្បែកដើម្បីការពារស្បែក។
ងាយកើតមុនសម្រាប់អ្នកដែលមានស្បែកខ្លាញ់។

បច្ចុប្បន្ននេះ ឡេការពារកំដៅថ្ងៃដែលមានជាតិគីមី chemical sunscreen នៅលើទីផ្សារក៏បានកែលម្អ និងផលិតជាបណ្តើរៗនូវផលិតផលដែលធានាមានសុវត្ថិភាពសម្រាប់ស្បែក កាត់បន្ថយការរលាក។ ក្រៅពីនេះ ផលិតផលក៏បានជម្នះចំណុចខ្សោយខាងលើបន្ថែមដែរ។

អានបន្ថែម៖ Top 5 គ្រីមជំនួយស្បែកសស្អាតសម្រាប់ស្បែកខ្លាញ់

ជ្រើសរើសឡេការពារកំដៅថ្ងៃ sunblockឬឡេការពារកម្តៅថ្ងៃ chemical sunscreen?

ដូចដែលបានរៀបរាប់ខាងលើ បច្ចុប្បន្ននេះឡេការពារកម្ដៅថ្ងៃ physical sunscreen ក៏ដូចជាឡេការពារកម្ដៅថ្ងៃ chemical sunscreen បានជម្នះនូវចំណុចខ្សោយដែលអ្នកប្រើប្រាស់តែងខ្លាចនៅពេលប្រើប្រាស់។ ទន្ទឹមនឹងការយកឈ្នះលើចំណុចខ្សោយ រាល់ផលិតផលនាពេលបច្ចុប្បន្ននេះក៏បានធ្វើឱ្យប្រសើរឡើងនូវគុណភាពផងដែរ ដើម្បីនាំមកនូវប្រសិទ្ធភាពល្អបំផុតដល់អ្នកប្រើប្រាស់។
ដូច្នេះហើយ ចាំបាច់ត្រូវយល់ពីការសរុបអំពីឡេការពារកម្ដៅថ្ងៃទាំងពីរប្រភេទនៅខាងលើ។ ឡេការពារកំដៅថ្ងៃ physical sunscreen តែងតែធានានូវសុវត្ថិភាពចំពោះស្បែក ប្រសិទ្ធភាពភ្លាមៗ មិនចំណាយពេលយូរ។ ម្យ៉ាងវិញទៀត ពេលនេះឡេការពារកម្តៅថ្ងៃ physical sunscreen បានចេញជាបណ្តើរៗនូវផលិតផលមានសាច់ឡេស្រាល ដែលមិនធ្វើឱ្យស្ទះរន្ធញើស និងបញ្ចេញប្រេង ឬបណ្តាលឱ្យកើតមុននោះទេ។ ទោះជាយ៉ាងណាក៏ដោយ ភាគច្រើននៅតែនៅសល់គុណវិបត្តិជាច្រើន ប៉ុន្តែអ្វីដែលគួរសម្គាល់បំផុតគឺសាច់ឡេនៅក្រាស់ធ្វើឱ្យពណ៌ស្បែកមើលទៅមិនស្មើពណ៍និងបង្កឱ្យស្ទះរន្ធញើស ។

ចំពោះឡេការពារកម្តៅថ្ងៃ suncreen មានការពេញនិយមយ៉ាងខ្លាំង ជាមួយវាយនភាពស្តើង និងស្រាលងាយស្រូប។ ប៉ុន្តែ ផលិតផលមិនមានសុវត្ថិភាពសម្រាប់ស្បែក ងាយបង្កឱ្យរលាក និងកើតមុនសម្រាប់ស្បែកងាយប្រតិកម្ម។ រយៈពេលនៃការរក្សាប្រសិទ្ធិភាពនិងរយៈពេលឥទ្ធិពលរបស់ឡេការពារកម្តៅថ្ងៃ suncreen ក៏មិនមែនជាចំណុចខ្លាំងដែរ។

ឡេការពារកម្តៅថ្ងៃ sunblock ផ្សំ suncreen ៖

ក្រៅពីផលិតផលពីរប្រភេទដែលបានរៀបរាប់ខាងលើ បច្ចុប្បន្ននេះនៅលើទីផ្សារមានប្រភេទ ឡេការពារកម្តៅថ្ងៃដែលមានការរួមផ្សំរវាង physical sunscreen និង chemical sunscreen ។

ដូចឈ្មោះបានបង្ហាញ ឡេនេះរួមបញ្ចូលទាំងសារធាតុគីមី និងសារជាតិឆ្លុះបញ្ចាំងកាំរស្មីយូវីដូចជា titanium dioxide។ ផលិតផលនាំមកនូវចំណុចលេចធ្លោ៖ សាច់ឡេស្តើង មិនស្ទះរន្ធញើស មានសមត្ថភាពឆ្លុះបញ្ចាំងកាំរស្មី UV ។

ទោះជាយ៉ាងណាក៏ដោយ ផលិតផលឡេការពារកម្តៅថ្ងៃដែលមានការរួមផ្សំរវាង physical sunscreen និង chemical sunscreen នៅតែអាចបណ្តាលឱ្យរលាកស្បែក ដោយសារធាតុផ្សំគីមីនៅខាងក្នុងផលិតផល។ លើសពីនេះ បើយោងតាមការវាយតម្លៃជាច្រើនពីឡេការពារកម្តៅថ្ងៃនេះបន្សល់នូវស្រទាប់រលោងនៅពេលប្រើ ដែលបណ្តាលឱ្យមានអារម្មណ៍ថាស្បែកបញ្ចេញជាតិខ្លាញ់ច្រើន ។

សរុបសេចក្ដី៖

ចំនួនផលិតផលឡេការពារកម្តៅថ្ងៃនៅលើទីផ្សារបច្ចុប្បន្នមានច្រើនណាស់ ហើយពិបាកក្នុងការសម្រេចចិត្តបានត្រឹមត្រូវ។ អាស្រ័យហេតុនេះ ភារកិច្ចរបស់អតិថិជននាពេលបច្ចុប្បន្ននេះ គ្រាន់តែស្វែងយល់ថាតើតម្រូវការពិតរបស់ខ្លួនជាអ្វី ជាប្រភេទស្បែកអ្វី និងស្ថានភាពស្បែក ក៏ដូចជាកម្រិតត្រូវកម្តៅថ្ងៃប្រចាំថ្ងៃ ដើម្បីធ្វើការជ្រើសរើសដ៏ត្រឹមត្រូវបំផុតសម្រាប់ខ្លួនអ្នក។